BE.90 Logu no.175
SAI MARLAS NI ROHA HITA

Ayat 1
Sai tapuji Debatanta Ale hajolmaon i
Ai naung hehe do Tuhanta Sian hamatean i
Dipasidung Jesus i UlaonNa sasude
Patupahon haluaon Di saluhut hajolmaon.

Ayat 2
Anggo utang ni dosangku Digarari Jesus i
I do haporseaonku Di na tinaonNa i
Nunga tulus patik i Nunga mintop rimas i
Di na hehe i Ibana Ro di au hangoluanNa

Ayat 3
Ia ho banuatoru Nunga harhar talimi
Ai dung hehe na gumogo Loha do hurunganmi
Surgo i tarungkap do Dung ditaban Jesus ho
Gabe tu hangoluanna Diarahon do donganna.

Ayat 4
Dohot ho, o hamatean Nunga mago soropmi
Suruhonku pe udean Ndang na tinggal au disi
Anggo au mangolu do Sai mangolu dohot ho !
Ninna Jesus tu rohangku Molo ro hamateanku.

Ayat 5
On tongtong di halashon Nunga hehe Jesuski
Dohot ma hamu donganku Angka na tinobus i
Sai tapuji Debata Sai tadok Haleluya
Na mangolu do Tuhanta Ala ni sai las rohanta.
